LAOAG CITY – Inistorya ti maysa a residente iti ili ti Sarrat ti nagbalin a kapadasan na iti panagturong na iti maysa a grocery store ditoy ciudad ti Laoag.
Inbaga ti nagpabigbig laeng iti nagan na a “Mark” nga iti panagturong na iti maysa a grocery store iti sentro ditoy ciudad ti Laoag ket nakapasar ti diskriminasyon.
Inlawlawag na a dinamag ti security guard no taga ano daytoy ken idi inbaga na a taga-Sarrat ket nagbuteng metten dagiti sumarsaruno kenkuana nga arigna na nakakita da ti ar-arya.
Kuna na nga awan ti madi a reaksyon ti guwardya ken pinastrek da daytoy idinto a dagiti sumarsaruno kenkuana nga umab-abot iti pito ket saandan a simrek iti uneg gapu iti napalalo a buteng da gapu ta taga Sarrat.
Nupay kasta, inbatad ni Mark a kinatawaan na lattan ti nakita na a reaksyon dagiti sumarsaruno kenkuana ken inbaga na nga awan ti kaso ti covid-19 iti barangay da ken adda da iti sentro idinto a dagiti nairekord a kaso ti virus iti nasao nga ili ket iti bangir iti karayan.
