LAOAG CITY – Agtultuloy ti selebrasyon iti Israel ken Palestine kalpasan ti balligi a pannakaiyuswat ti major hostage ken prisoner exchange.
Daytoy ket kas paset iti kalikagom a naan-anay a panaglippas ti gubat iti dua a tawenen a gubat iti Gaza.
Ummuna iti daytoy, winaya-wayaan ti Hamas dagiti amin a sibibiag nga Israeli hostages idinto a ti Israel ket pinarwar na met ti 2,000 Palestinian prisoners ken detainees.
Emosyonal dagiti tattao ken pamilya dagiti Israeli hostages gapo iti kinaragsak da apaman a nakita ken naarakop dan dagiti ipatpateg da iti biag.
Kalpasan met a nawaya-wayaan dagiti Palestinians manipud kadagiti pagbalodan iti Israeli ket makita a nakaiggem dagiti tattao ti bandera apaman a nakasangpet da iti Gaza ken iti occupied West Bank.
Kabayatanna, in-withdraw ti Israel ti tropa na iti nabatbati a lugar a kontrolado da wenno ti 53% iti Gaza – ti ummuna kadagiti tallo nga stages ti Israeli withdrawal, kas paset iti Trump plan.
Ti multinational force nga agarop 200 a tropa ti mangmonitor iti ceasefire, karaman iti tropa ti Egypt, Qatar, Turkey ken ti United Arab Emirates.
Inlawlawag met ti opisyal ti Amerika nga awan ti US forces ng agtalinaed iti ground iti Gaza.
