LAOAG CITY – Inbatad ni Mr. Joshua Agdigo, Resin Artist iti Barangay 5, Callaguip iti ciudad ti Batac a gapu iti pandemya a gubuay ti covid-19 virus ket nasursuro na ti agaramid ti resin arts.
Inlawlawag na a gapu ta awan ti ar-aramiden na iti napalabas a tawen a pinangrugi ti pandemya ket inpadas na ti nagaramid ti resin art a nabuya na iti facebook.
Inbaga na a nagustwan na ti proseso daytoy isut gapuna nga intultuloy na ti nagaramid.
Innayon na a naragsak gapu ta dagiti ar-aramiden na ket mailaklako na iti babaen ti online.
