LAOAG CITY – Maysa a resolusion a mangipaay ti pammigbig iti pimmusay a beterana a singer a ni Pilita Corrales ti nailungalong iti Senado.
Indauloan ni Senate President Pro Tempore Jinggoy Estrada iti panangilungalong ti Senate Resolution No. 1336 a mangipadpadanon ti pannakipagladingit iti pamilia ti “Asia’s Queen of Songs.”
Inbatadna nga adda ti dakkel a kontribusion iti benneg ti musika ti singer iti uneg ti innem a dekada.
Inpannakkel ti Senador dagiti nagun-od a balligi ti kumakanta no sadinno a nakaaramid daytoy ti 135 nga album.
Maipalagip a pimmusay iti tawenna a 87 ti beterana a singer idi Abril 12.
