LAOAG CITY – Naipasan iti maikatlo ken maudi a pannakaibasa ti maysa a resolusyon nga inpasa ni Konsehal Handy Lao ditoy ciudad ti Laoag.
Naipalaon iti resolusyon ti pannakaipaay ti sangaribo a pisos dagiti agtawen ti 70 agingga iti 79 tunggal madanun ti kasangay dagitoy.
Inpakaammo ni Lao a ti nasao nga addang ket mangrugi a maipatungpal intono Enero 1, 2025.
Inlawlawag ni Lao a ti sangaribo a pisos a maited kadagiti agtawen ti 70 agingga iti 79 ket nayun laeng dagiti maaw-awat a benepisyaro dagiti senior citizens ditoy ciudad ti Laoag.
Maipalagip nga addan ti immuna a naipasa a resolusyon seknan ti pannakaipaay ti isu metlaeng nga insentibo kadagiti agtawen ti 80 agingga iti 90 ditoy ciudad.
