LAOAG CITY – Inaprobaran ti Sangguniang Panlalawigan ti resolusyon para ti panagaplikar ti license to operate ti Vintar District Hospital.
Segun kenni Dr. Rogelio Balbag, Hospital Management Consultant, daytoy ket tapno mapasayaat ti serbisyo ti ospital kadagiti kakailian ditoy probinsya.
Inlawlawagna nga iti napalabas a 10 a tawen ket saan a nameet ti ospital dagiti requirements gapu ti kinakurang ti medical officers, bilang ti pasyente ti kada aldaw ken dagiti pasilidad.
Inbatadna a mangipaay ti Department of Health ti 2 milyon a pisos para ti pannakapasayaat ti infrastraktura ken 10 milyon a pisos para ti equipment tapno mapagbalin nga infirmary.
Inlungalong pay ni Balbag a kasapulan a mangaramid ti resolusyon para ti pannakabuangay ti baro a posisyon ti medical personnel.
