LAOAG CITY – Naipasa iti maika-dua ken maudi a pannakaibasa ti Draft Provincial Resolution No. 2024-10-356 no sadinno ti nakaipalaon iti nasao a resolusyon ket ti panangipaay ti pammalubos kenni Gov. Matthew Marcos Manotoc a mangibagi iti Provincial Government of Ilocos Norte nga umawat iti P100-M manipud iti Office of the President nga irepresentar ni Undersecretary Al-Azree J. Mohammadsali.
Segun ken ni Sangguniang Panlalawigan Member Franklin Respicio, maibilang daytoy a gatad ti kuarta kas financial assistance manipud iti Office of the President para kadagiti kadagiti nadadael ditoy probinsia gubuay ti Super Typhoon Julian.
Niapasa ti nadakamat a resolusion nga insigida kabayatan ti 104th regular session ti Sangguniang Panlalawigan kalpasan a sinertipikaran daytoy ni Gov. Manotoc.
Maipalagip nga immunan nga inrakurak ni Pres. Ferdinand Marcos Jr. a mangipaay ti P100-M a tulong apaman a bimmisita ditoy probinsia kalpasan nga umabot ti nasurok P1-B ti nadadael iti benneg ti agrikultura ken imprastruktura.
