LAOAG CITY – Inpetteng ti Department of Education ti kinapateg ti Artificial Intelligence ti panagadal dagiti estudiante ditoy pagilian.
Adda ti kinapateg ti panagusar daytoy ti responsable tapno ad-adda nga agbalin nga epektibo daytoy.
Segun ken ni Department of Education Chief-of-Staff Undersecretary Fatima Lipp Panontongan, iti agdama ket karaman kadagiti maisursuro kadagiti agad-adal kadagiti pribado ken pampubliko a pagadalan ket ti umiso a panagusar ti AI.
Daytoy nga addang ket maisaysayangkat babaen ti tulong manipud kadagiti nagduduma nga educational partner iti Pilipinas.
Malaksid iti panagbalin a responsable iti panagusar ti AI, kasapulan pay ti panagbalin nga ethical ti panagusar ti baro a teknolohia.
Inpetteng ti opisial ti kinapateg ti pannakaisuro daytoy kadagiti Generation Z agingga iti Beta ken pakairamanan dagiti sumaruno pay nga henerasion.
