LAOAG CITY – Inbatad ni Dr. Samantha Licudine, City Veterinarian ditoy ciudad ti Laoag a ti kangrunaan a problema kadagiti walang a taraken ket ti panagrugit da iti kalsada.
Kunana a kasapulan a maitandudo ti “responsible pet ownership” gapu ta basar iti obserbasyon da ket paruk-atan dagiti akin-taraken dagitoy mapan da agrugit.
Nagpanawagan ni Licudine a saan kama a kastoy ti agbalin a practice ti kaaduan gaou ta naalas a kitkitaen dagiti kalsada nga ado ti rugit dagiti ayop ken ti angotna ket makaitunda ti risgo iti salun-at.
Kuna ni Licudine a naiget ti koordinasion ti City Veterinary Office kadagiti nagduduma a barangay ditoy ciudad para iti pannakaipatungpal ti oplan dalus, tapno saan a kumaro ti problema mainaig kadagiti rugit ti ayop.
Kabayatanna, nagyaman ni Licudine kadagiti barangay a mangitantandudo ti “responsible pet ownership” kalpasan a naidasar ti Brgy. Ordinance ti Barangay 62-A, Navotas.
