LAOAG CITY – Viral ita ti maysa nga steakhouse iti South Florida, United States kalpasan a nangipatungpalda ti naidumduma a dining experience no sadinno a mabalin a mangan dagiti customer nga awan ti suot da a bado.
Iti kada umuna a Lunes ti tunggal bulan, palpalubosan ti Class Soiree Steakhouse iti Hollywood, Florida dagiti bisita da mangan a nakauyos kas paset ti espesyal a nude dining night.
Segun iti chef ken iti akin bagi ti restaurant a ni Maurad Ali, napanunotanna a daytoy a konsepto ket manggutigot kadagiti baro a customer ken makaaramid ti interes ti negosioda.
Inbatad ni Ali nga adda ti agsarsarak iti kastoy a kapadasan ken siniguradona nga agtalinaed a propesyonal ken narespetar latta dagiti staff kadagiti bisita da.
Ti maysa a ticket ket agbalor ti $250 para kadagiti lallaki, $150 para kadagiti babbai, ken $300 para kadagiti couple.
