LAOAG CITY – Kinumpirmaran ni Brgy. Chairman Elviro Agoo iti Brgy. Davila iti ili ti Pasuquin a negatibo ti resulta ti swab test ti primary contact ni IN-C87 a customer service ken residente iti Brgy. 18 San Isidro.
Nu pay kasta,kuna na a nagtalinaed daytoy a naka-isolate.
Mainaig iti daytoy, inpakaamo ni Agoo nga ikarkarigatan na ti makaala ti update seknan iti sitwasyon ti maysa pay a kabarangayanda nga agnanaed ditoy siudad ti Laoag ken primary contact metlaeng ni IN-C87.
Inbunannag na a nabayagen a saan nga agnanaed iti barangayda nu di ke ditoy siudad.
Mainaig iti daytoy, inbaga ti kapitan a napinstas ti kooperasyon dagiti kabarangayanna gapu ta sumursurot dagitoy kadagiti pagalagdan kontra iti virus.
Kuna na nga agtultuloy met ti panagballaag na a liklikan ti panagiwaras ti palso a damag.
