LAOAG CITY – Inbatad ni Barangay Chairman Cesar Bonoan iti Barangay 1 iti ili ti Vintar nga iyur-uray da pay laeng ti resulta ti blood sample dagiti pimmusay a dua a baboy ti maysa a kabarangayan da.
Inbaga na nga agpapan ita ket awan pay ti resultati blood sample dagiti natay a baboy gapu iti kaado dagiti naapektaran ti ASF virus a manarimaam ti pannakaeksamen na.
Inpasingked ti kapitan a ti pay laeng dua a baboy a taraken ti maysa a kabarangayan da ti pimmusay ken awan pay ti sabali a naapektaran.
Mainaig iti daytoy, kinumpirmaran ni Bonoan nga adda dagiti dadduma a kabarangayan da ti nagparti kadagiti taraken da gapu ta agamak da amangan no ASF virus ti nakatayan dagiti dua a dingwen.
Nupay kasta, inpasigurado ti kapitan a saan a naipauraga dagiti naparti a baboy iti uneg ti barangay da gapu ta pinawilan da dagiti akintaraken a saanda a mabalin nga ipauraga gapu ta maatap nga ASF virus ti nakatayan dagiti dua a baboy.
Gapu iti daytoy, kuna na a dagiti naparti a baboy ket in-ref pay laeng dagiti maseknan.
