LAOAG CITY – Kinumpirmaran ni Dr. Heidi Marita Albano, ti Municipal Health Officer iti ili ti Vintar a negatibo amin ti resulta ti swab test dagiti primary contact ni IN-C125 a maysa a kameng ti PNP Vintar.
Segun kenkuana, 38 dagiti nagbalin a primary contact ni IN-C125 nu sadino a 21 dagiti kameng ti pamilya idinto a 16 ti kameng ti PNP.
Kuna na a nu pay saan a naggigiddan a dimmalan dagitoy iti test ket negatibo amin ti resulta.
Nu pay kasta, kasapulan nga illeppas dagiti maseknan ti 14-day quarantine ken agtalinaed a mabantayan ti pagtaengan ni IN-C125 ken nakalockdown iti PNP Vintar.
Iti agdama ket agtultuloy ti contact tracing kadagiti sabali pay a nakapulapol ni IN-C125 iti sumagmamano a lugar a nagturongan na sakbay a naamoan a positibo daytoy iti virus.
