LAOAG CITY – Naballigi ti rotation and reprovisioning (RORE) mission idiay BRP Sierra Madre iti Ayungin Shoal.
Naaramat ditoy ti maysa a barko dagiti sibilian nga MV Lapu-Lapu, a sinuportaran ti barko ti Philippine Coast Guard (PCG) a BRP Cape Engaño.
Daytoy ti umuna a mision ti rotation and reprovisioning a naisayangkat babaen ti katulagan a nabukel iti nagbaetan ti Pilipinas ken ti People’s Republic of China mainaig kadagiti prinsipio ken pamay-an ti pannakaipatungpal dagiti rotation and reprovisioning mission iti Ayungin Shoal, a panggepna a maliklikan ti saan panagkikinnaawatan.
Kabayatanna, ti legal ken nakaugalian a rotation and reprovisioning mission iti uneg ti exclusive economic zone (EEZ) ti Pilipinas ket pammaneknek iti kinapropesional dagiti personnel ti Philippine Navy ken Philippine Coast Guard, ken ti koordinasion ti National Security Council, Department of National Defense, ken Department ti Foreign Affairs.
