LAOAG CITY – Nagbalin a naannayas ti inwayat a maikalima a resupply mission ti Pilipinas iti Ayungin Shoal.
Basar iti Department of Foreign Affairs (DFA) nga awan ti nagbalin a problema iti panangipatulod kadagiti taraon ken sumagmamano a supplies iti BRP Sierra Madre iti Ayungin Shoal.
Daytoy ti maikalima a rotation and reprovisioning (RORE) mission para kadagiti suldado ti pagilian a nakadestino iti tank landing vessel nga agserserbi nga outpost ti pagilian tapno mabantayan ti soberania iti kabaybayan iti lugar.
Nagyaman ti Department of Foreign Affairs kadagiti kameng ti Philippine Navy ken Philippine Coast Guard a nangiwayat ti mission.
