LAOAG CITY – Naarestar ti maysa a resurgent drug personality iti Anti-Illegal Drug Buy-bust Operation babaen ti nagtitipon a puersa ti Philippine Drug Enforcement Agency Regional Office I – Ilocos Norte Provincial Office (PDEA RO I – INPO), Pasuquin Police Station, Ilocos Norte Police Provincial Office – Provincial Drug Enforcement Unit (INPPO-PDEU) ken Regional Intelligence Unit – Provincial Intelligence Team (RIU – PIT) iti Barangay Poblacion 4 iti ili ti Pasuquin.
Binigbig ni Philippine Drug Enforcement Agency Regional Office 1 Regional Director, Director III Joel B Plaza ti suspek a ni alyas Bags ken residente iti nasao met laeng a barangay.
Ti suspek ket dati a naarestar idi Pebrero 2014 ken Enero 2023 gapu met laeng iti iligal a droga.
Nakumpiskar dagiti otoridad manipud iti suspek ti maysa nga heat-sealed transparent plastic sachet a naglaon ti maatap a shabu nga agdagsen ti 0.2 gram nga agbalor ti 1,400 a pisos ken ti buy-bust money.
Kabayatanna, sumango ti suspek iti kaso gapu iti panaglabsingna iti Comprehensive Dangerous Dugs Act of 2002.
