LAOAG CITY – Naiget a naglikudan ni retired police lieutenant general Jonnel Estomo ti pannakairaman na iti kaso dagiti mapukpukaw a mammallot.
Daytoy ket kalpasan nga inraman isuna ti whistleblower a ni Julie Patidongan wenno alyas “Totoy” a maysa daytoy kadagiti adda ti likudan ti panagpukaw dagiti mammallot.
Inbatad ni Estomo a nakasagana a mangsango iti aniaman nga imbestigasyon ken mangipresentar kadagiti ebidensya tapno madalusan ti nagan na.
Isagsagana metten dagiti abogado na ti kaso a maipila kontra ken ni Patidongan.
Maipalagip nga inbutaktak ni Patidongan a maipagarop a ginutigot ti dati nga heneral ti negosyante a ni Charlie “Atong” Ang a patayin daytoy gapu iti susik da maipanggep iti kwarta.
