LAOAG CITY – Nagsagaba ti fructured kadagiti nagduduma a paset ti bagi ken dunor iti muging ti agnagan ti Romeo Galit y Gabion retirado a pulis, agtawen ti 64 naasawaan residente ti Brgy. Nagbalagan, iti ili a Bangui.
Daytoy ket kalpasan a maipagarup a nakisinnapgod iti maysa a
trailer truck nga inturong ti agnagan ti Nelson Palpallatoc, agtawen ti 58 naasawaan ken residente iti Calayan Gonzaga, Cagayan.
Segun ken ni P/C/Insp. Samson Amistad Hepe ti Pulisya ti nasao nga ili, napasamak ti disgrasya iti kurba a paset ti national highway bisinidad ti Sitio Calcalinat, Brgy. Malasin, ti nasao nga ili.
Kuna na nga agpapabagatan a direksiyon ti pulis idinto nga agpapamyanan met a direksiyon ti truck idi adda dan iti paset ti kurba ket nagsinnapgod dagitoy.
Insigida nga immarayat ti pulisya ken ti BFP personell ken naitaray ti biktima iti Bangui Dist. Hospital ngem naiyakar iti Mariano Marcos Memorial Hospital 7 Medical cenmter iti , Batac City.
Ad-adalenen ti pulisya no ania ti mabalin a maipila a reklamo kontra iti driver ti truck.
