LAOAG CITY – Dinutukan ni Presidente Ferdinand Bongbong Marcos Jr. ni Retired BGen. Roman “Popong” Felix kas Secretary of the Office of the Presidential Adviser on Military Affairs (OPAMA).
Ni Felix ket nagreitiro a police general a nagserbi iti sumagmamano nga opisina ken units iti Philippine National Police iti regional ken national headquarters.
Isuna ket miembro ti Philippine Military Academy “Matikas” Class of 1983 a tubo iti siudad ti Tuguegarao City, Cagayan.
Nagserbi pay kas provincial director iti Ilocos Norte Police Provincial Office ken kalpasan na ket nagserbi kas Regional director iti Ilocos-Pangasinan wenno Region 1.
Addaan pay daytoy ti lisenya ken well-trained helicopter pilot.
Napili met ni Presidente Marcos ni Retired Maj. Gen. Ariel Caculitan ket napili met ni Marcos kas Undersecretary for Military Affairs iti OPAMA.
