LAOAG CITY – Nagsurat ti maysa a grupo a bukbuklen ti 600 a retired Israeli security officials, pakairamanan dagiti heads ti intelligence agencies ken ni US President Donald Trump tapno ipitenna ti Israel a mangileppas ti mapaspasamak a gubat iti Gaza.
Naipalaon iti surat a basar iti panangtingiting dagiti retirado nga Israeli Security Officials ket saanen a makaipatungpal ti istratehiya a pangta ti Hamas kontra iti Israel.
Mamati ti grupo a ti kredibilidad ni Trump iti kaadoan nga Israeli ket dakkel a makatulong tapno iwanwan ni Prime Minister Benjamin Netanyahu ken ti gobierno na iti usto a direksyon babaen ti panangileppas ti gubat ken isubli dagiti hostages iti pamilya da tapno agsardengen ti panagtutuok amin dagiti apektado iti riribok.
Immapela ti grupo ken ni President Trump kalpasan nga adda dagiti report nga ipatungpal ni Netanyahu ti nalawlawa a military operations iti Gaza kalpasan a naisardeng ti saritaan ti kapia iti nagbaetan da ti Hamas.
