LAOAG CITY – Kinumpirmaran ni dati a Senador Antonio Trillanes IV nga ituloy ni retired police Col. Royina Garma ti agtestigo kontra ken ni dati a Presidente Rodrigo Duterte iti International Criminal Court (ICC).
Kuna ni Trillanes a ni Garma ket adda iti babaen ti proteksion ti International Criminal Court ken nakasagana a mangipaneknek dagiti mapapati a krimen mainaig iti nadara a kampania ti administrasion ni Duterte kontra iti droga.
Nupay adda dagiti report a kidkiddawen ti National Bureau of Investigation (NBI) iti Interpol a mangipaulog iti red notice kontra ken ni Garma mainaig iti kaso ti pammapatay inton 2020, kuna ni Trillanes a saan a maapektaran ti testimonia na.
Innayon ti dati a senador nga uray awan iti kustodiyar ti International Criminal Court ni Garma, kwalipikado isuna iti witness protection program ti korte no sadinno agtultuloy a mamonitor ti kasasaad dagiti testigo ken mangipaay ti tulong kas iti relocation no kasapulan.
Ni Garma, dati a hepe ti Cebu City Police Office ken dati a general manager ti Philippine Charity Sweepstakes Office (PCSO) ket manamnama a mangipaay ti napateg nga impormasion mainaig iti mapapati a sistema ti reward system ken dadduma pay nga aspeto ti drug war iti napalabas nga administrasion.
