LAOAG CITY – Nabirukan a maysan a bangkay ti retired US army iti uneg a mismo ti lugan na a nakaparking iti likud ti San Nicolas Elementary School iti paset ti Barangay 3 iti ili ti San Nicolas.
Binigbig ni Police Lt. Ashley Cacayurin, ti deputy chief of police iti ili ti San Nicolas ti biktima a ni Roque Morales, residente iti Barangay Madamba iti ili ti Dingras.
Inlawlawag ni Cacayurin nga iti pannakaeksamen ti bangkay ni Morales ket ti nakita a pagilasinan nga adda ti foul play iti pannakatay na.
Nupay kasta, kuna ni Cacayurin a kinasarita da dagiti kabagyan ti biktima a no kayat da a maotopsya ti bangkay ket nawaya da tapno maamoan ti pudno a nakatayan na iti baet nga immunan nga inpakaammo da nga adda ti maintenance ni Morales para iti high blood na.
Rumrumuar a nagturong iti lugar ni Morales tapno mapan na alaen ti naipawit a pension na iti maysa a money remmitance iti lugar.
Iti imbestigasyon, nasdaaw dagiti agpapaay iti maysa a car wash a masansan a pagpadalusan ti lugan ni Morales gapu ta ala-dos pay laeng ti malem a nakaparking ti lugan na iti lugar isut gapuna nga idi nadanun ti alas-singko ti malem ken napanda kinita ket ditoy a naduktalan dagiti maseknan a saanen nga agang-anges pay.
Naipadalan met a dagus ti antigen test ti bangkay sakbay a kinuti dagiti maseknan no sadinno a negatibo ti resulta na.
