LAOAG CITY – Nagtalinaed a nakalockdown iti Rural Health Unit (RHU) ken municipyo iti ili ti Bacarra.
Daytoy ti inpakaammo ni Mrs. Mary Joyce Mendoza, ti Municipal Disaster Risk Reduction and Management Officer (MDRRMO) iti ili ti Bacarra.
Inbaga na nga iti RHU ket adda manen maysa nga empleado a nagpositibo ti covid-19 isut gapuna a dagiti dadduma ket maiyur uray pay laeng ti resulta ti RT-PCR test da.
Innayon na nga iti met biang ti municipyo ket manamnama a maipadalan to aminen ti swabtest dagiti empleado agingga intono bigat.
Mainaig iti daytoy, inbatad ni Mendoza nga adda ti nairekord da ita nga aldaw a pimmusay a nagpositibo ti covid-19.
Nupay kasta, inlawlawag na a ti pasyente a maysa a lakay ket nabayagen nga adda ti sagsagabaen na a sakit.
Iti agdama, adda ti 253 nga active cases ti ili ti Bacarra.
