LAOAG CITY – Inpakaammo ni Mayor Rafael Benemerito a temporaryo a napaserraan ti Rural Health Unit (RHU) iti ili ti Pagudpud.
Daytoy ket kalpasan a nagpositibo ti covid-19 virus ti maysa nga empleado iti nasao nga opisina.
Inbaga na a dumalan amin iti swab test dagiti empleado ti RHU intono bigat.
Innayon na a saan pay a masinunuo no kaanu nga aglukat ti RHU gapu ta agdepende iti resulta ti swab test dagiti empleado.
Mangnamnama ti mayor a negatibo amin ti resulta ti swab test dagiti empleado ti RHU iti ili ti Pagudpud.
