LAOAG CITY – Temporaryo a nagserra ti Rural Health Unit iti ili ti Piddig kas panagsurot dagiti health measures.
Daytoy ti rakurak ni Mayor Eddie Guillen iti nasao nga ili.
Basar iti statement, idi Hunyo 15 ket napan sinukon dagiti sumagmamano nga staff ti RHU Piddig iti border control iti ili ti Badoc ti maysa a Locally Stranded Individual.
Segun ti saanen a nagpabigbig a nurse manipud iti RHU, ket saan a nakapulapol ti LSI ti maysa nga OFW manipud iti UAE nga isu ti maikapat a nagpositibo iti COVID-19 ngem ketdi nakageddan na laeng daytoy.
Naipan iti quarantine facility ti LSI a taga Piddig kalpasan a nasukon da iti border control.
Manamnama a maidalan met dagiti maseknan iti testing tapno masigurado nga adda wenno awanan da iti COVID-19.
Naiyuswat ti disinfection iti mismo nga RHU Piddig itay bigat.
