LAOAG CITY – Kinumpirmaran ni Mayor Joseph De Lara iti ili ti Solsona a maysa nga empleyado iti Rural Health Unit ti primary contact ti nagpositibo iti COVID-19 itay kallabes.
Daytoy ti gapuna a temporaryo a nairekep ti RHU iti nasao nga ili.
Inpatakged ni De Lara a no bilang negatibo ti resulta ti swab test ti empleyado ti RHU ket maituloy met laeng ti operasyon ti pasilidad.
Manamnama a maamuan da ti resulta ti swab test intono bigat bayat nga itultuloy na ti panagquarantine.
Naiyuswat met ti disinfection iti RHU Solsona.
Iti datos ti gobyerno probinsyal, nairekod ti maysa nga active case iti ili ti Solsona no sadinno a nagpositibo ni IN-C675 lalaki agtawen ti 47, cargo driver ken residente iti Brgy. Talugtog iti nasao nga ili idi Enero 23.
Umaboten iti pito ti kaso ti COVID-19 iti nasao nga ili idinto nga innem dagiti nalaingan.
