LAOAG CITY – Nakagun-od ti naruay a medalya ti Rhythmic Gymnastics ti Team Laoag kalpasan iti pannakilaban da iti Sawasdee Cup 2025: 3rd SNC International Rhythmic Gymnastics Tournament idiay Bangkok, Thailand.
Segun kenni Mr. Hipolito Salva, ti mangidadaulo ti City Sport Development Office ditoy ciudad ti Laoag, adda ti pakabuklan a 22 a medalya ti nagun-od iti Rhythmic Gymnastic ti Team Laoag manipod iti nagduduma a kategoria.
Inbatad na a napalaos ti ragsak da iti panagballigi dagiti estuyante no sadinno a nagun-od ni Randhale Sky T. Paz ti Gold Medal iti Rope Apparatus pakairamanda Zoe Solen Reyes Bronze Medalist iti Rope Apparatus , Jewel Mitch Cardaño Bronze Medalist iti Hoop Apparatus; Top 8, Freehand; Top 5, Ball; Top 5, Individual All-Around (IAA)
, Nadynne Lhei A. Corpuz Top 5, Hoop and Clubs; Top 8, IAA , Nur Alyssa Elizabeth A. Ithnin Top 9, Freehand and Ball , Cefie Katherine Balanay ,Top 5, Freehand; Top 4, Ball; Top 4, IAA ,Christine T. Miguel – Top 7, Hoop; Top 6, Ball and Clubs; Top 8, IAA , Loureen Rhian M. Nicolas – Top 4, Hoop and Clubs; Top 5, Ball and IAA ken ni Kylie Venice Duyao ket Top 7, Ball and Hoop.
Mainaig iti daytoy, kuna ni Salva a daytoy ket naisangsangayan a performance iti pannakabigbig ti Schools Division ti Laoag City iti kallabes kas Best Performing Division in Gymnastics kabayatan ti Region 1 Athletic Association (R1AA) Meet nga ad-adda pay a nangpatibker iti sporting excellence ken youth development.
Kabayatanna kunana a daytoy ket maibilang a naisangsangayan a balligi ditoy ciudad ken dakkel nga inspirasion para kadagiti sumarsaruno nga henerasyon.
