LAOAG CITY – Inpasngayen ti aktres a ni Ria Atayde ti inauna nga anakda iti asawana a ni Zanjoe Marudo.
Iti online account ti aktor ket inpakitana nga addan iti delivery room ti maysa nga ospital ti asawa.
In-repost met ti ina ti aktres a ni Sylvia Sanchez ti post ni Zanjoe ket naragsak nga inpadamagna kadagiti followers-na a maysa isunan a lola.
Nagsasaruno ti nangipadanon ti nabara a panangkablaaw kadakuada manipud kadagiti kakaduada iti showbiz.
Maipalagip nga idi Marso ket nagkallaysa dagiti dua kalpasan ti sumagmamano a bulan a nagkarelasion dagitoy.
