LAOAG CITY – Nagballaag ti rice retailer group a possible a maabuso ti pannakailako ti bagas iti 20 a pisos iti kada kilo.
Inbatad ti pannakangiwat ti Grains Retailers Confederation of the Philippines (Grecon) a ni Orly Manuntag, a masapol a mangiparuk-at ti Department of Agriculture ti nalawag a pagannurutan iti nasao a programa tapno saan a maabuso babaen kadagiti dadduma a customers.
Inpetteng na a masapol a mailawlawag a nasayaat no siasinno dagiti mabalin laeng a gumatang ti bagas iti 20 a pisos iti kada kilo
Segun ken ni Manuntag, naobserbaran da a ti price range a P35-P45 iti kada kilo nga imported a bagas ken dadduma a lokal a bagas ket mailaklako iti P48-P50 iti kada kilo.
Innayon na a nasurpresa da iti panangirakurak ti gobierno a mailako ti bagas iti 20 a pisos iti kada kilo gapu ta saan da a napakaamoan nga immuna.
