LAOAG CITY – Manamnama a ti panagngudo ti 2024 nga adda ti nangatngato a rice stock inventory ti Pilipinas iti baet dagiti karit a ingubuay ti El Niño ken La Niña phenomen kas maibasar iti Department of Agriculture.
Nangatngato ti end-2024 rice stock inventory maidasig iti 1.9 million MT rice stocks agingga idi Disiembre 2023.
Naammoan nga agingga idi Mayo ita a tawen, nagtalinaed ti pakabuklan a rice stocks ti pagilian iti 2.08 million MT, nangatngato ti 10.3% year-on-year.
Iti umuna a quarter, rimmuar iti datos ti Philippine Statistics Authority a bimmaba ti irik output ti 1.96% iti 4.69 million MT manipod iti 4.78 million MT iti kapada a panawen iti napalabas a tawen gapu iti El Niño.
Pagtalinaeden ti Department of Agriculture ti 20.44 million MT a palay harvest goal daytoy para iti agdama a tawen.
Basar iti United States Department of Agriculture iti June 2024 grains report daytoy, manamnama nga agangkat ti pagilian ti 4.6 million MT ita a tawen.
Kabayatanna, inbatad ni Department of Agriculture Assistant Secretary and spokesperson Arnel de Mesa a nakaangkaten ti pagilian ti 2.2 million MT agingga ita nga Hunio 2024.
