LAOAG CITY – Nalunag ti rikna ni Mr. Jason Santiago, mangidadaulo iti Ylocandia Biyaheroes Rider Club iti sitwasyon dagiti pada da a riders idiay probinsya ti Batangas.
Daytoy ti rason a napanunot na ti nangbuangay iti charity para kadagiti residente iti nasao a probinsya.
Kuna na nga agserbi payen a subad na iti kinasayaat dagiti taga Batangas bayat ti kaadda na iti nasao a lugar iti kallabes rason a gundawayan na ti tumulong.
Segun kenni Santiago, babaen iti panagukkon da ti tulong manipud kadagiti pada da a rider ditoy Ilocos Norte.
Inbatad na nga isu iti mangidanun kadagiti relief goods idiay Batangas ken dagasen na pay ti naukkon dagiti pada na a riders iti probinsya ti Ilocos Sur ken Pangasinan intono Domingo ti rabii.
Kangrunaan nga inpaay dagiti riders ket arwaten, hygiene kits, ken de lata a makan.
Innayon ni Santiago a nabayagen nga ub-ubraen da iti mangipapaay ti tulong kadagiti agkasapulan.
Iti mainaig a damag, makaanay iti maysa nga evacuation center iti kaadu nga ited ti grupo ditoy Ilocos Norte kasta ti naukkon a tulong iti Ilocos Sur ken Pangasinan.
Nagdesisyon ni Mr. Jason Santiago iti YBRC, nga itulod na dagiti tulong iti lugan a saan ketdi a motorsiklo.
Kageddan na iti daytoy ti panagkiddaw na ti naan-anay a tulong nga indanun laeng iti petshop na iti ili ti San Nicolas tapno isuna iti mangidanun kadagitoy idiay Batangas.
Malaksid iti daytoy, tumultulong ti grupo ti Motorcycle COPS nga agukkon ti tulong a maipan iti nasao a probinsya.
