LAOAG CITY – Nagtalinaed nga awan puot na ti driver ti motorsiklo a nadisgrasya iti ili ti Paoay iti Mariano Marcos Memorial Hospital and Medical Center iti siudad ti Batac.
Nabigbig ti driver a ni Godfrey John Bumanglag, agtawen ti 26 ken residente iti Brgy. 18 Mabusag Sur iti ili ti Badoc.
Basar iti pakpakuna nga imbestigasyon ti PNP Paoay, napasamak ti aksidente iti batog ti arko ti nasao nga ili paset ti Brgy. 3.
Segun kenni Police Senior Master Sgt. Teddy Franks Ucol iti PNP Paoay, bayat nga agpapalaud a direksiyon ni Bumanglag ket maipagarup a napukawan ti kontrol rason a naaksidente.
Naamuan pay nga adda matartarimaan a paset ti nasao a kalsada.
Maipalagip a naawanan ti puot ti driver ken nasugatan pay ti rupa na kalpasan a nagsarili daytoy.
