LAOAG CITY – Narekobre ti dua a rifle grenade, maysa nga empty magazine ken tallo a short magazine ti M-16 rifle a naikarga iti plastic a supot iti kabakiran iti Brgy. Liliputen iti ili a Pinili.
Nadiskubre da Brgy.Chairman Anita Agdeppa dagiti nadakamat nga armas kabayatan iti panangiyuswat da ti clean-up drive iti barangay da.
Naamoan a posible a bumtak pay laeng dagiti narekobre a rifflle grenade uray daan dagitoyen.
Iti agdama, agtultuloy ti imbestigasyon dagiti otoridad no siasino iti nangibati kadagiti nadakamat nga a ramit.
