LAOAG CITY – Umabot iti rinibo a covid-19 vaccines dagiti nag-expire ditoy siudad ti Laoag.
Daytoy ti inpakaammo ni Dr. Joseph Adaya, ti office in charge iti City Health Office (CHO) ditoy siudad.
Kuna ni Adaya a maysa kadagiti rason nga ado ti saan a naibakuna a covid-19 vaccine ti pannakapili pay laeng dagiti makaawat iti booster shot partikular dagiti karaman iti Category A.
Gapu iti daytoy, kalikagum ti konseho ditoy siudad a tapno saan a masayang dagiti bakuna ket makiddaw iti DOH ti pannakaited ti bakuna kadagiti nakasagana nga umawat ti booster shot, aniaman a kategorya ti pakaibilangan dagitoy.
Naamoan basar iti WHO a kaaduan kadagiti bakuna kontra iti covid-19 ket mabalin pay laeng a mausar, tallo a bulan kalpasan ti expiration date dagitoy.
