LAOAG CITY – Rinibo a demonstrador ti nagmartsa iti Mexico City kontra iti nadamsak a krimen ken ti gobierno ni President Claudia Sheinbaum.
Ti tignay protesta ket inorganisar ti Gen Z youth group iti suporta dagiti netizens nga agprotprotesta met iti pannakapapatay dagiti mabigbig a personalidad, kas ken ni Uruapan Mayor Carlos Manzo a naiget a mangipanpanawagan ti naig-iget nga aksyon kontra kadagiti drug cartels.
Mainaig iti daytoy, inpetteng ni President Sheinbaum a ti maiwaywayat a tignay protesta iti nagduduma a ciudad iti pagilian da ket pinondoan ti right-wing politicians a kalaban ti gobierno.
Ni President Sheinbaum ket agar-aramid kadagiti wagas kontra kadagiti cartels ngem pagkedkedan na ti panawagan para iti sabali manen nga all-out war iti droga.
