LAOAG CITY – Nagpanawagan ti rinibo a residente ti Valencia a bumaban iti pwesto ni Valencia Regional leader Carlos Mazon kalpasan ti nakaro a panaglayos iti lugar a nakatayan ti nasurok a 200 nga indibidual.
Daytoy ket kalpasan a napaay a nangipatulod kadagiti abiso dagiti otoridad kadagiti residente maipanggep iti mabalin nga agbalin nga epekto ti bagyo iti nasao a lugar sumagmamano nga oras sakbay a nangrugi ti nakaro a panagngato ti lebel ti danom idi Oktubre 29.
Kabayatanna, iti baet dagiti nagbalin a protesta kontra ken ni Mazon ket inrakurak na nga iprayoridad na ti pannakaipatungpal ti clearing operations ken search and rescue operations para kadagiti indibidwal a nagtalinaed a mapukpukaw.
Innayon pay ni Mazon a respetaren na ti inaramid dagiti residente ken inkari na a dumteng to ti panawen nga agsungbat dagiti opisyal a nagkurang iti ili da.
