LAOAG CITY – Rinibo a tattao ti naibakwit manipod iti pagtaengan da iti Costa del Sol region iti southern Spain gapu iti awan sarday a panagtudtudo na ti napigsa a nangitunda ti layos.
Gapu iti daytoy, agpada a naikabil ti Malaga ken ti northeastern Catalonia region iti highest alert gapu iti napigsa a tudo a manamnama nga agpaot agingga intono biernes.
Ti Malaga area, pakairamanan dagiti tourist resorts iti Marbella, Velez ken Estepona, ket manamnama a makapasar ti nakaro a weather phenomenon wenno mabigbig kas maysa a “Dana”.
Uray dagiti dadduma a paset iti daya ti Valencia ket naikabil iti highest alert, sumagmamano a lawas kalpasan a nagpasar ti flash floods a nakatayan ti nasurok a 220 a tattao.
