LAOAG CITY – Rinibo a tattao ti naibakwit manipod iti pagtaengan da kalpasan a limmawa ti nasakupanen ti wildfire iti amianan a paset ti Athens idiay Greece.
Ti historic site a Marathon ti maysa kadagiti lugar a nakaibakwitan paylaeng dagiti apektado a residente.
Basar iti fire brigade, adon dagiti balay ken sanikua a napuuran iti asideg ti ili ti Varnavas.
Naamoan nga adda pay dagiti tattao nga inbakwit dagiti bombero manipod iti 20 agingga iti 25 a behikulo a napupuk iti pakapaspasamakan ti wildfire bayat ti pananggandat da nga umadayo iti lugar.
Immunan a naiwaras ti nasurok a 500 a firefighters ken 150 a firetrucks tapno agtitinnulong a mangsebseb ti apoy, ngem napaay dagitoy.
