LAOAG CITY – Rinibo a soldado ti manipod iti 27 a nasyon ti makipagpaset ti training exercise a maiyuswat idiay Hawaii iti daytoy a lawas.
Daytoy ti kinumpirmaran ni International Bombo Correspondent Manny Pascua idiay Hawaii.
Gapu ti daytoy ket agbalin met a busy dagiti hotels iti Honolulu isut gapuna nga adda dagiti ag-overtime iti housekeeping department a kaadoan a pagtrabtrabhoan dagiti Pilipino.
Nupay kasta, ti kangrunaan a pangiyuswatan dagiti soldado ti training ket iti Big island, Hawaii gapu ta isu ti nalawa a lugar.
Segun pay ken ni Pascua, adda payen dagiti sumagmamano a kalsada a napaserraan tapno maikkan ti espasyo dagiti agtraining a soldado.
