LAOAG CITY – Rinibribu a polis ti naidestino idiay Paris tapno masigurado ti seguridad ti France-Israel football international, makalawas kalpasan ti kinaranggas a napasamak idiay Amsterdam no sadinno a rinaut dagiti fans ti Maccabi Tel Aviv.
Segun iti hepe ti polisia ti Paris a ni Laurent Nuñez, agarup 4,000 nga opisial ti agpatrolia, 2,500 iti Stade de France iti amianan a paset ti Paris suburbs ken dagiti dadduma ket naka-standby kadagiti public transportation.
Malaksid ito dyatoy ket adda pay agarup 1,600 a private security guard a nakadestino met iti istadium a mismo pagay-ayaman dagiti players, indinto a ti elite anti-terrorist police unit ti mangsalaknib iti Israeli squad.
Segun iti Uefa Nations League match, kalpasan ti kinaranggas a napasamak idi napan a lawas iti nagbaetan ti Ajax ken Maccabi Tel Aviv idiay Netherlands, masapul a masiguron ti seguridad ken kinatalged ti lugar.
Kabayatanna, nagbalakad met ti gobierno ti Israel, a saan kuma a nasursurok ngem 100 nga Israeli fans ti manamnama a sumrek iti stadium.
