LAOAG CITY – Kumarkaro ti rinnupak iti nagbaetan ti India ken Pakistan.
Daytoy ket kalpasan ti panangakusarda iti tunggal maysa iti pannakairubuat ti drone attacks.
Mainaig iti daytoy, inrakurak ti Pakistan nga adda ti naipabanto a 25 a drones kadakuada manipud iti India.
Nupay kasta, inpetteng ti India a daytoy nga air defenses nga inwayatda ket tapno lappedanda ti Pakistani drone and missile attacks.
Nagpanawagan dagiti sumagmamano a lider manipud idiay Estados Unidos, Russia ken China nga agbalin a natalna ti maibilang a karirisgoan a pagilian ken kaaduan ti papulasionna.
Maipalagip a nangiwayat ti airstrike ti India kadagiti siam a “terrorist infrastructure” sites idiay Pakistan kas sungbat iti inaramid ti Pakistan a deadly Islamabad-backed attack iti Indian Kashmir.
Kabayatanna, immunan nga inpetteng ti Pakistan a ti nadadael a sites dagitoy ket militant bases, saan ketdi a terrorist infrastructure.
