Iluko Version
Riri dagiti agkakarruba iti Ilocos Norte, maysa ti natay ken dua dagiti nasugsugatan kalpasan ti binnagkong
LAOAG CITY – Isagsaganan ti PNP-Pagudpud ti kaso a maipila kontra kadagiti suspek iti pammagkong a pimmusayan ti maysa ken nakasugsugatan ti dua a sabsabali pay idiay Sitio Linglingay Bgy. Saud iti ili ti Pagudpud.
Segun ken ni P/ Sr/ Insp. Eduardo Santos, Hepe ti ili ti Pagudpud, isagsagna da ti kaso nga homecide ken murder kontra kada Gregorio Dalumay , agtawen ti 54, adaaan ti asawa , maysa nga aglaklako ti ikan ken ni Renato Ganno Jr., agtawen ti 45, ken maysa a mangngalap.
Kuna ni Santos, kaso a muder ti maipila kontra ken ni Dalumay gapu iti maipagarup a panangbagkong na ken ni Ganno a rason ti nakatayan na idinto nga homecide kontra ken ni Ganno gapu iti pannakasugsugat ni Patricio Uddon , agtawen ti 88, balo bayat nga adda iti katre na.
Kuna na a malaksid kadagiti dua, nasugatan pay ni Rexie Gano a ti maitudtudo a makin-aramid ket ni Dalumay.
Imun-una ngem iti daytoy, nagriri dagiti agkakabsat a Ganno rason a nakariing ni Rey Ganno tapno aganawa ngem nakita na ti kabsat na a ni Rexie nga addan iti arubayan da Aaron Dalumay a makirirri ken ni Gringgo Dalumay.
Inbatad ni Santos a maipagarup nga immuna a binagkong ni Gregorio Dalumay ni Rexie kalpasan na ket insaruno ni Reidey.
Naitaray dagiti agkabsat iti hospital ngem saanen a naidanon pay a sibibiag ni Reidey idinto nga out patient ni Rexie.
Kabayatan, nakita met nga adda ti bagkong iti rupa ken bagi ni Patricio Uddon, agtawen ti 88, balo bayat a nakaedda iti kama na a ti rumrumuar a makin-aramid ken ni Ganno Jr.
Kuna ni Santos nga adda ti nabayagen a saan a pagkikinnawatan dagiti agkakarruba ket ita koma nga aldaw ti huwesiyo da iti Barangay.
