LAOAG CITY – Ibilangen ti United Nations nga addan iti critical level ti riribok idiay Southern Lebanon.
Basar iti Office for Coordination of Humanitarian Affairs (OCHA) ti United Nations nga ad-adda pay a kumaro ti mapaspasamak iti lugar no bilang saan nga agsardeng ti Israel iti panangrautna.
Basar iti datosda nga addan ti 2,412 ti pimmusay no sadinno 133 ditoy ket sibilian.
Adda ti 111,940 ti nangibakwit ken ngimmato ti 10 a porsiento dagiti agibakbakwit iti kada lawas.
Naammoan a kaadduan kadagiti internally displaced a tattao ket dagiti ubbing.
Maipalagip nga idi Agosto 19 idi agipila ti formal complaint kontra iti Israel ti Lebanon’s representative to United Nations gapu iti panaglabsing iti airspace-da.
