LAOAG CITY – Agtultuloy ti maiwaywayat a road clearing operation iti nagduduma a paset ti ciudad ti Laoag para iti naan-annayas a sitwasion ti trapiko ken naur-urnos a lugar.
Immuna iti daytoy, nagsusor manen ti road clearing team a bukbuklen ti Community Affairs Department, Business Permit and Licensing Office, Traffic Division, City Health Office, Bureau of Fire Protection ken dadduma pay nga ahensia ti gobierno tapno makita ti sitwasion iti nagduduma a paset ti ciudad ti Laoag.
Iti panagsursur ti road clearing team ket binalakadan da dagiti umili a saan a rumbeng a paglakuan, patakderan ken okuparen dagiti igid ti kalsada.
Kabayatanna, nagpalagip ti lokal a gobierno a no saan sumurot iti paganurotan ket adda iti maipataw a pannusa ken multa da .
Innayon ti local a gobierno a tapno saan a mamulta ket kasapulan laeng nga adda ti disiplina iti tunggal maysa.
