LAOAG CITY – Mannarimaan ti monitoring ti Department of the Interior and Local Government (DILG) kadagiti sidewalk ditoy ciudad ti Laoag.
Inbatad ni Mr. Joey Francisco, Local Government Operations Officer ditoy ciudad ti Laoag a rumbeng a mawayaan dagiti sidewalks ditoy ciudad.
Daytoy ti rason nu apay nga ipangpangrunada dagitoy bayat ti pannakaisayangkat ti road clearing operation.
Kinunana nga adda dagiti permanent obstruction, ken illegal nga agpa-parking.
Inlawlawagna met a ti illegal parking ket adda dagiti ordinansa a mabalin ken madi a pagparkingan ken saan a mabalin masalungasing ti linteg.
Innayonna a quarterly ti pannakaisayangkat ti assessment ngem every week ti road clearing karaman ti weekend.
