LAOAG CITY – Inpakaammo ni Mrs. Jennifer Frances Gapuzan, Community Affairs Officer II iti Community Affairs Office ditoy ciudad ti Laoag a mangrugi manen iti panangipatungpal da iti road clearing operations ditoy cuidad.
Daytoy ket kalpasan a saan da a nakaiyuswat ti road clearing idi Pebrero gapu ta ado dagiti aktibidad da iti selebrasyon ti Pamulinawen Festival.
Inpakaammo na a malaksid iti opisina da ket kadua da dagiti opisial ti barangay a mangkita ken agsita ken mangisyu ti ticket kadagiti motorista nga aglabsing ti linteg trapiko.
Inbatad na a ti kangrunaaan a kitkitan da pay ket dagiti peddlers gapu ta ado latta dagiti mapan agpwesto kadagiti saan nga umiso a paglakoan a pakaitundaan iti nairot a trapiko kangrunaan iti centro ditoy ciudad ti Laoag.
