LAOAG CITY – Maysa nga aso a robot idiay South Korea ti nagbalin a kaunaan a robot a nakakumpleto ti maysa a marathon (42.195 kms) babaen iti maysa a single charge.
Ti Laibo 2 ket maysa a quadruped a robot nga inaramid dagiti estudiante ti Korea Advanced Institute of Science and Technology (KAIST).
Kalpasan a napaay iti naudi a marathon gapu iti alisto a pannakaibos ti baterya, pinapigsa pay ti robotics scientist ti KAIST ti Laibo 2 usar ti nadakdakkel a baterya ken maysa nga AI-powered system nga addaan ti kinetic energy kabayatan a tumartaray.
Iti panagballigina iti Sangju Dried Persimmon Marathon, inpakita ti Laibo 2 ti potensial ti robotics technology para iti nabaybayag nga operasion kadagiti disaster zones.
