LAOAG CITY – Mangnamnama pay laeng ti aktor a ni Rommel Padilla nga agsinnublianan ti anak daytoy a ni Daniel Padilla ken ex-girlfriend a ni Kathryn Bernardo.
Kuna ni Rommel, ikarkararagna a dumteng ti panawen a maminsan manen nga agkita dagiti ken agkinnaawatan gapu ta naunday a panawen ti inburayda iti tunggal maysa.
Inbatadna a kabayatan a single da Kathryn ken Daniel ket timbangenda ti panagayatda. Daytoy ti agbalin a wagas tapno maammoan no rumbeng nga agsinnublianan dagitoy.
Maipalagip nga idi Nobiembre 2023 ket kinumpirmaran dagiti dua ti panagsinada babaen iti online post.
