LAOAG CITY – Posible a mapilaan ti reklamo a gross inexcusable negligence ni dati nga House of Representative Speaker Martin Romualdez basar ken ni Ombudsman Jesus Crispin Remulla.
Inbatad ni Remulla, rumbeng a mapagsungbat ni Romualdez iti panangdutok ken ni dati a Congressman Zaldy Co kas House Appropriation Committee chair a maipagarup a karaman iti maanomalya a flood control projects.
Kabayatanna, mangbukel met ti baro a task force para iti pamilia Villar kalpasan a naduktalan a ti paset ti Bacoor-Las Piñas Riverdrive ket napalikawkawan kadagiti sanikua ti nasao a pamilia.
Inbutaktak ti Ombudsman nga agtultuloy ti imbestigasion iti maipagarup a connivance wenno panagkunsabo iti panangaprobar kadagiti proyekto nga awan ti aktual nga implementasion iti nagbaetan ti Department of Public Works and Highways (DPWH) ken ti dati nga House Speaker.
