LAOAG CITY – Nakasagana a mangipaay ti P100 million ti social media personality ken negosiante a ni Rosmar Tan iti siasinnoman a makaipublikar ti ebidensia a mangitudtudo nga adda ti pakainaiganna iti money laundering.
Daytoy ket kalpasan ti panangakusar dagiti sumagmamano nga indibidual kenkuana nga adda pakainaiganna iti maysa nga iligal a negosio a paggapgapoan dagiti kuartana.
Mainaig iti daytoy, naiget a naglikudan ni Rosmar ti nasao nga alegasion, no sadinno inpettengna nga awan ti pakainaiganda iti asawana iti aniaman nga iligal wenno saan a nainkalintegan nga aramid.
